Sahil Khan - From Me to We and Back Again

Present Day:

Sar pe bahut gahri chot aayi hai. He is suffering from Psychiatric Disorder. Dr. Vivek Chawla ne mujhse kaha.

I didnt get you sir. Maine kaha. Apolo Hospital ke ICU ke baahar main aur Sahil ki mummy baithe the. Unki aankhein aansuwon se bhari hui thi. Wo kisi bhi qeemat pe apne bete ko wapas pana chahti thin.

Kuchh toh tarika hoga. Mere bete ko bacha lijiye. Aunty ne kaanpte awaaj mein kaha.

Wo rone lagin. Aur roye bhi kyun naa, unki aankhon ke saamne unka beta apni zindagi ki aakhri saansein gin raha tha. Admit hue 15 din ho gaye lekin Sahil ab bhi ICU mein tha. Jab bhi use hosh aata wo bilkul bahki bahki baatein karne lgta hai. Baar baar SAKKO SAKKO bolta hai phir cheekhne aur rone lagta hai. Wo kisi ko pahchan nahin pa raha hai. Kabhi hosh aane pe chup chaap pure room ko dekhta hai phir rone lgta hai aur wapas se behosh ho jata hai. Uski condition roz bigadti ja rahi thi.

By the way main hoon Maryam, Maryam Mir Malik, Sahil ki best friend, uski business partner, aur Vegetable Man ki President. Sahil apne aap mein aaj 1 bada naam hai. Usne apne junoon aur apni mehnat se jo kuchh haasil kiya hai wo dunia ke liye 1 misaal hai.

Abhi tarika humein bhi nahin pata. Kuchh chuninda doctors ke saath report share kiya hai. Final report aane ke baad hi kuchh kah sakte hain.

Unki problem kya hai? I mean unko hua kya hai? Maine puchha.

Memory loss ke condition mein hain. Unko apna past toh yaad hai but unki yaadein unhe bahut jada preshan kar rahi hain. Aur abhi unka mind is pain ko sahan kar paane ke condition mein nahin hai.

Toh ab kya hoga? Aur final report kab tak aa jayega?

Main 1 ghante baad aap se milunga. Hope ki sab achha ho. Unhone kaha.

~

Maryam aap dono baahar wait kar lijiye hum final report batate hain. Dr. Chawla ne conference room mein 30 minut tak final report pe kuchh doctors ke sath meeting ki phir bole.

Ohkey fine. Maine kaha aur aunty ke saath baahar aagayi. Baahar chair pe 1 khubsurat si lady baithi thi. Uski shakal kuchh jaani pahchani si thi. Aisa lag raha tha jaise main jaanti hoon use. Usne kurti aur jeans pahana hua tha. Main aunty ke saath uske paas wale chair pe baith gayi.

Hello aunty kaisi hain aap? Usne aunty se puchha.

Main thik hoon beta. Kab aaye?

15 minute pahle.

Aap jaanti hain aunty? Maine ungli se ishara karke dheere se puchha.

Haan ye bechari aksar aati hai. Sahil ki friend hai.

Ohkey aunty. Maine kaha. Hi I am Maryam, main unke saath kaam karti hoon.

Main Sahil ke saath 8 saalon se hoon maine toh kabhi nahin dekha. Kaun ho sakti hai? Main khud se mann hi mann baat kar rahi thi .

Main jaanti hoon aapko. Usne kaha. Wo aunty se baat karne mein interested thi, usne mujhe apna introduction bhi nahin diya.

Well wo physically toh kaafi jaldi recover ho rahe hain, But mentally unki condition worst hoti ja rahi hai. Kaafi research ke baad hum sabhi 1 result pe pahuche hain. Dr. Chawla ne humse kaha . Wo room se baahar aa kar humein report bata rahe the.

Kis result per. Mere paas baithi us ladki ne puchha.

Aap inke saath mein hain naa? Unhone puchha.

Yup, she is with us.

Well, unhe recall ki jarurat hai.

Matlab? Main samjhi nahin.

Ohkey let me clear, Maryam unke sar mein chot un hisso mein lagi hai jo direct memory pe effect dalti hain. Jab wo hosh mein aate hain toh unki buri yaadein bhi unke saath hoti hain, aur abhi unke sar ke zakhm thik nahin hue hain, overthinking se neuro cells per bahut pressure padta hai, aur unka mind already bahut jada weak hai jisse problems aur critical hoti ja rahi hain. Overthinking will kill him. Maryam hum unhe ab jada time behosh bhi nahin rakh sakte hain.

So what should be the solution? Stranger ladki ne puchha. Uski English british accent mein thi. Maine uski aankhon mein dekha jo bilkul red thi aur aansu se bhari hui thi.

Toh finally is ka 1 hi solution hai ki kisi tarah se humein unki past life ko proper way mein recall karaani hogi. Unhe ye khud karna hai. Aur 1 khaas baat ka dhyan rakhna hai ki wo apni buri yaadon ke trap mein naa fasein.

Wo khud kaise kar sakte hain? Maine puchha. Sahil ko shayad ye bhi nahin yaad hai ki wo Sahil hai. Ajeeb si dunia mein khoya hua hai. Pahle se hi aisa tha.

Kisi tarah se unse unki positive kahani janni hogi. Start unke bachpan se karna better hoga jisse unki yaadein step by step unke mind me aajaye. Past life mein unke mind mein 1 koi aisa character hai jo mentally humesha unke saath rahta hai. Shayad past mein koi aisi baat hui thi jiske baad Sahil humesha se imagination mein rahne ki koshish karne lage the. Aur unhe ab bhi lagta hai ki unke saath car accident mein koi ladki thi. Bas usi character ko kisi tarah se recall kara ke hum unhe bacha sakte hain. Ye sab kuchh yun karna hai ki unki yaadein unke mind per pressure naa daalein. Toh koi unse ye nahin puchhega ki unka accident kaise hua. Abhi mind mentally aur pain sahne ke liye ready nahin hai.

Sakko.? Maine kaha.

Haan exactly yahi wo naam hai jo wo baar baar repeat karte hain. Kuchh toh kahani hogi jo itne gahrayi mein inke mind mein baithi hai. Nahin toh 1 itna succesfull businessman bhala aise condition mein kaise ho sakta hai. Maryam inse bahut se ghareeb farmer ki ummidein judi hain. Inka thik hona bahut jaruri hai.

Ye kaise possible ho sakta hai. Maine puchha. Aunty began to cry, shayad unhe koi ummid nazar nahin aa rahi thi. Main unko chup karane ki koshish kar rahi thi. Itne mein kuchh aur log aagaye, shayad wo Sahil ke relatives the.

Bilkul possible hai, Sahil ki family se koi kar sakta hai. Lekin karna kaise hai wo mujhe nahin pata. He said.

Main kar sakti hoon. Bheed ke pichhe khadi us khubsurat si lady ne kaha. Yess Dr. I can do it. Wo sabse jada pareshan lag rahi thi. kai saare logo ke aa jaane se wo pichhe chali gayi thi.

How?

Doctor please aap conference room mein chaliye main sab samjha rahi hoon. Usne kaha. Usne mere taraf bhi ishara kiya. Main wo aur Dr. Chawla conference room mein wapas aagaye.

Usne humein sab kuchh samjhaya. Uska idea achha tha. Sahil ko wapas lane ka humare paas yahi 1 option tha. Kyun ki ab use medicines nahin thik kar sakte the.

Alright, koi gadbad nahin honi chahiye. Dr. Chawla ne 1 ummid bhari smile ke saath kaha. Your good name?

Chahat. She said with beautiful smile. Maine pahli baar ye naam suna tha.